RSS

სვიმონ მეფისა

13 Apr

 
ვინ არ იცის ამბავი ციხე ალამუთისა, ტინზე შემონადგამი მტაცებელის ბუდისა.

აქ დაირწა პირველად ჰაშიშინთა აკვანი, ზარსა სცემდა ჯვაროსანთ საბაჰის ძის ზაკვანი. სად არ გაიელვებდა გესლით გამონაკვები ავბედითად მკვესარი მათი აკინაკები.

ციხის ყრუ ტალანებში დაძრწოდა და ბორგავდა სული ნასირ ხოსროვის, მგოსნის და ღრიანკალის, მოძღვრის ცბიერ მულიდთა, შიშით შეუბორკავთა, აღმა-დაღმა მთესველთა ზაფრისა და კანკალის.

ფუთფუთებდა ბუნაგი, სიკვდილის საყუდელი, სანამ ხანმა ჰულაგუმ არ ულეწა ზღუდენი.

მაგრამ მოდი ამ ციხეს სულ სხვა თვალით შეხედე, დაივიწყე ერცახეს მულიდი და შახიდი, რადგან სწორედ აქ არი სვიმონ მეფის საკანი, ამ კედლებს ბინადარი არ ჰყოლია მაგვანი.

უკვე მეცხრე წელია შაჰი ვერ შეელია, მოძმეთაგან გაყიდულს ჭაღარაც შეერია, თუმცა, მიუხედავად ორგულობის, ღალატის, სამშობლოს დაჰფარფატებს მისი ფიქრი მარადის.

გარნა, ოდეს გაცხადდა სპარსის უილაჯობა, ოდეს ყველგან ოსმალომ დაჯაბნა და აჯობა, გაიხსენეს ლომგული, ალამუთს დახუნდული, უმალ ააღრჭიალეს ჟანგიანი ურდული.

თურმე ნიჭი ხალასი არც მათ თვალში ხუნდება, განუხვნიათ საკანი, აუხსნიათ ხუნდები, სამშობლოში სვიმონი თეთრი რაშით ბრუნდება, მტრის საკაფად ნაწაფი მკლავი არ უდუნდება.

ჩვენი ბედის ბორბალიც წაღმა ამობრუნდება, ქიტა აღიღინდება, გუთანს მიუბრუნდება, მარცვალი გაღვივდება, კერა გაღუღუნდება, კომლი ამოდინდება, ქვევრი აჩქაფუნდება, გადირწევა აკვანი, დროშა შეიკერება, კიდევ ბევრი მამაცი ხმალი გაიკვერება, კიდევ ერთი ლამაზი გვერდი დაიწერება, ხოლო სვიმონს ქართველი მარად მიეფერება.

თუ ამ ლექსით ახსენებთ, ვიამაყებ ჩემი სვით.
გულშიც თუ გაგიარათ, სადღეგრძელოდ შემისვით.

.

 
3 Comments

Posted by on April 13, 2009 in მეფეთა წიგნი

 

3 responses to “სვიმონ მეფისა

  1. tornike

    April 27, 2009 at 9:49 pm

    ra pontia gamorcheva magram mepeebidan svimoni miyvars yvelaze magra. eg da mamamisi luarsabi. alamutshi xo xexa kai xani sroki mere kide sxvaganac yavdat cayvanili axvrebs

     
  2. admin

    April 28, 2009 at 1:10 am

    მეც ძალიან მიყვარს ლუარსაბი და სვიმონი. მეფეთა ციკლში პირველი ლექსი ლუარსაბს ვუძღვენი. მას შეუპოვრობის გარდა არაფერი ჰქონდა და ამით გადაარჩინა საქართველო

     
  3. თორნიკე

    January 19, 2010 at 3:25 am

    ზუსტად ეგ არის, შეუპოვრობით გავიდნენ ფონს, ისე როგორ ქართველებთ შეჰფერით. ბევრი ისტორიკოსი აკრიტიკებს რომ მათი ასეთი პოლიტიკის გამო ქართლი აოხრდა მაგრამ სხვა რამეშია საქმე. ზუსტად მაგ პერიოდში კახეთში არცერთი ჯარისკაცი არ შესულა იმიტომ რომ ცბიერი პოლიტიკა ქონდათ კახელებს. განა ლუარსაბს და სვიმონს არ შეეძლოთ ეგრე? მაგრამ ხვდებოდნენ წინააღმდეგობას თუ არ გაუწევდნენ ქართველობას დაკარგავდნენ. ამ ბრძოლით და დაუოკებლობით, ჟინიანობით, სიჯიუტითადა პარტიზანული პატარ პატარა ბრძოლებით გადაგვარჩინეს. ეგენი რო არა ეხა სპარსული ქუდებით ვივლიდით ყველა

     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

 
%d bloggers like this: