RSS

სადღეგრძელო

13 Apr

 

(მათ, ვინც უცხოეთში მიიღო განათლება და ამიტომ ვერ მოიცალა ვაჟას წასაკითხად)

 უდიდესი კულტურა და ცივილიზაცია შექმნეს ლათინებმა, მაგრამ მათი ენა დღეს წამლის რეცეპტზეღა ცოცხლობს…

ასევე დიდად გაისარჯნენ ეგვიპტელნი და დღეს მთელი სამყარო ტკბება მათი ნაღვაწით, ოღონდ – მათ გარეშე.

ქალდი, შუმერი, ასირიელი, ქიცუვათნელი, ხათი და ხეთი, გასაოცარი მათი საქმენი ჩამოგითვალო რომელი ერთი…

და ამ ხალხებმა ნუთუ იმისთვის გარდაიხადეს ცხარე ომები, დღეს მათ ნაოფლარს სუვენირებად რომ ასაღებდნენ უცხო ტომები.

ქარტეხილს მხოლოდ ჩვენ გავუძელით, ნეტავ რა ნიჭით და მანქანებით,
ახლა კი თითქო საჭე დავკარგეთ და თვითდინებით მივექანებით.

***
გრიგოლ რობაქიძეს უთქვამს ქართულ ცეკვაზე – სხვა ასე ვერ იცეკვებს, რასსა არ ეყოფაო…

რევაზ ერისთავს კი, ახალგაზრდა ილიას მიერ მისი დაუნდობელი კრიტიკა რომ წაუკითხავს, ცრემლი წასკდომია თურმე – მგონი პატრონი გამოუჩნდა საქართველოსო…

ახლა კაკაროტი გურულებიც წარმოიდგინე ყანაში. მაღლით თაკარა მზეს უმკლავდებიან და  დაბლით შეუპოვარ მიწასთან გაუმართავთ ფიცხელი ომი,
თან ოთხ ხმაში არაკრაკებენ ნადურს.

ვისაც გული ერჩის, ადგეს და კომფორტულ საკონცერტო დარბაზში გაიმეოროს იგივე.

ჰოდა ვის გადავაბაროთ ეს ყველაფერი? ვისთვისაც ჯამაგირია მთავარი?
ვისაც ექიდნურად ეღიმება შემთხვევით თვალწამოკრულ სტრიქონზე – ჩემო თვალის სინათლევ, რაზედ მოგიწყენიაო…

ან ვინც მხრებს აიჩეჩს ამის წაკითხვისას – პაწპაწინა ნიგვზის ტოტო, ჩუპრი-ჩუპარ, ჩუპრი ჩუპარ, ჩუპრი დარეჯანასაო…

ვისაც სულ არ ანაღვლებს, თუ რას განიცდიდა ერთი სამასთაგანი არაგველი, რომელმაც მშვენივრად უწყოდა, რომ უკანასკნელად დაუკოცნა თავის ბოკვერს ფუმფულა თათი,

და ვისაც კრწანისამდე შემორჩა ტუჩზე შვლისთვალა ცოლის ცრემლის გემო.
განა მას კი არ შეეძლო თავი ცოცხლად დაერჩინა და ასე თუ ისე მორგებოდა რეალობას.

მაგრამ მას სწორედ ამნაირი საქართველოს მოტანა უნდოდა დღემდე…
და ყველა შენი წინაპარი, ფარნავაზიდან ვიდრე შენამდე, ნუთუ ჭკუანაკლულობის გამო ირჯებოდა ასე…

მავანთ მიაჩნიათ, რომ ერი, ისევე როგორც ყოველივე ცოცხალი, ბერდება და კვდება.

ბუნებაში ამას გამართლება აქვს – დრომოჭმულმა ადგილი უნდა დაუთმოს ახალსა და უკეთესს.

მაგრამ აქ ქართველს ერთი პატარა შენიშვნა გასჩენია, აი, ამ ანდაზის სახით –მგელი ისე არ დაბერდება, რომ თხამ ყურში ჩააცუოსო.

იბერნი კი, იგივ გეორგიანი, მგლის მოდგმას ნიშნავს!

და, გარდა იმისა, რომ სიცოცხლის უტეხი ჟინი გენით მოგვდგამს,
და რომ არც ბაზალეთის ტბა დამშრალა და ალგეთიდანაც გაისმის გემრიელი წკმუტუნი,

და ამაზე უარესი თავრეტისთვისაც არაერთხელ გაგვიძლია,

მთავარი ის არის, რომ ჩვენ ჯერ კიდევ არ გვითქვამს ჩვენი სათქმელი!

 
13 Comments

Posted by on April 13, 2009 in პროზა

 

ტეგები: , , , ,

13 responses to “სადღეგრძელო

  1. ნინო

    October 8, 2009 at 10:09 pm

    _კიდევაც დაიზრდებიან ალგეთს ლეკვები მგლისანი. . . _
    ქართველოო გენაცვალეე სულში! . . . . . . .

     
  2. ნანო

    November 14, 2009 at 12:08 pm

    გაიხარეთ….დზალინ კარგი რაგაცაა,ვამაყობ რომ ქართველი ვარ

     
  3. ბადრი წიქორაძე

    December 4, 2009 at 5:17 pm

    რამდენს გვყვარებია საქართველო. თქვენ გაგიმარჯოთ!
    ჩემთანაც შემოიხედეთ.

     
  4. liako

    June 28, 2010 at 12:55 pm

    “მთავარი ის არის, რომ ჩვენ ჯერ კიდევ არ გვითქვამს ჩვენი სათქმელი!”–––

    ღმერთმა გვისმინოს ქართველებს…

     
  5. ელდორადო

    July 21, 2010 at 9:10 am

    სათქმელი არ დაილევა ამ წუთისოფელში.

     
  6. მადი

    November 27, 2010 at 10:46 pm

    ჩვენ ჯერ კიდევ არ გვითქვამს ჩვენი სათქმელი!!!!!!!!!!!!!!

     
  7. აზა

    January 2, 2011 at 1:05 am

    მეამაყება რო ქართველი ვარ

     
  8. ფრანულა

    March 10, 2011 at 8:48 pm

    გაიხარე, ვამაყობ ქართველი რომ ვარ!

     
  9. ეკა სულხანიშვილი

    August 10, 2011 at 3:08 pm

    მეც წამსკდა ცრემლი გრ.ორბელიანივით,მის სიტყვებზე,მგონი პატრონი გამოუჩნდა საქართველოსო.შვილის დარდის გარდა,სამშობოს დარდიც მიგვყვება იმ ქვეყნად ქართველს.როგორ იქნება შენი შვილი და ვის უტოვებ შენს სამშობლოს!!!

     
  10. გიორგი

    September 17, 2011 at 4:03 pm

    შესანიშნავია! მახარებს, თქვენნაირი ხალხის სიმრავლე!!!!!

     
  11. khatia

    March 4, 2013 at 7:21 pm

    ukacravad, magram sheidzleba gavigot am lamazi striqonebis damweris vinaoba?

     
    • matekari

      March 5, 2013 at 12:44 am

      ეს ჩემი გვერდია ხატია. ყველაფერი ჩემია აქ🙂

       

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

 
%d bloggers like this: